پیرۆزبایی جەژنی رەمەزان

خەڵکی بە شەڕەفی کوردستان و مامۆستایان و قوتابیانی ئازیز:
جەژنی پیرۆزی ڕەمەزان لە سەر جەم مسوڵمانان و بەتایبەتی کوردانی مسوڵمان پیرۆز بێت.
هەرچەند جەژنی رەمەزانی ئەوساڵ هاوکاتە لەگەڵ هەبوونی شەڕ و کوشتار لە بەشێکی زۆر لە نیشتمانی ئازیزمان و بەتایبەتی کە وا لە سنوورەکانی باشووری کوردستان دوژمنێکی خوێنڕێژ وەک داعش لە ئارادایە و تا ئێستا ژومارەیەک لە پێشمەرگەکان شەهید و بریندار بوون، لە هەمان کاتیشدا چەند دوژمنێکی وەک داعش و رژێمی سووریا و چەند هێزی تری تووندڕەو و دژە مرۆڤیی ئیسلامی وا لە رۆژئاوای وڵات خەریکی شەڕ و پێدادان بە دژی رۆڵەکانی کوردن و لەبەرامبەریشدا بەرخۆدان بەردەوامە، بەڵام لە هەمان کاتیشدا وەک یەکیەتیی پیشەیی مامۆستایانی کوردستانی ئێران ئاواتەخوازین کە ئەم جەژنە ببێتە سەرەتایەک بۆ کۆتایی هاتن و کەمبوونەوەی شەڕ و ئاژاوە و دوژمنی و پیلانگێڕی بە دژی کوردستان و یەکگرتوویی کردارییانەی نەتەوەی کورد،
لە کۆتاییدا دیسان جەژنە پیرۆزەی خۆمان لە هەموو لایەک دەکەین و هیوای ئاشتی و تەبایی و سەرکەوتنی بست بە بستی کوردستان بە ئاوات دەخوازین
بژی کورد و کوردستان
دەستەبەر بیت سەربەخۆیی کوردستان
بڕوخێن دوژمنانی کورد
یەکیەتی پیشەیی مامۆستایانی کوردستانی ئێران
٢٧/٧/٢٠١٤